Friday, April 10, 2009

immuyamo ed maamon puyok

manonton dalan

bibiyeren koy pusok ta mankulagtit
ta akabetak na masanting ya marikit
tinawag koy imano to ay agi manpungit
balet nen say kuanko "agay lay ganam"
kimmmuyep so mata to katekep toy sigam
tan say kabbang toy masimsimpit matantan

akisalukoyak met lan nanpasiyar ed sentro
marakep so tungtung mi agi, kaparami loro
apasikmatan koy tikoy, halohalo tan puto
intagar kon mamainawa tan tawayan irayan lako
manpakipot ni, intabin konin maninda-inda
kasumpalan to et labalabay to met manaya

balibali so iimisan ton wala ni karot
no linglingesen koy mata ton mankulayot
asabit ed bibil toy kinaroy ya niyog
uhmmm! inegnaan ko tan aping toy amamayok
mankelawak agton balot akabesngaw o amasnok
asapigar koy bibil to, immuyamo er maamon puyok

2 comments:

Manaoag Portal said...

hahaha, alisto kan talaga md! pakipot labat manaya awa? Salamat ed sayay balon posting mo... ricky

manonton dalan said...

salamat ed inter yon(ricky) pankanawnawan mangipalkap na saray unsisibang iran kanonotan. balibali ya tano
ibulos ko et tartariwa nid pagew
ko ya singa guyuren toy untutumbok.
manbasa kayo kabaleyan piyan nabeka ratay iyaamot yuran balikas er alog.md