by Kankanti
Oga-ogaw nin tuloy, agto balet apukpukan
So sabo na dala tan say kagantilan
Baleg ya sakit tan irap kasumpal na siyam bulan
Inatey lawarid inpananak, say tetel ag nasabaan.
Namemeneng, agto amta no anto so alooban
Irap tan problemad bilay, sikato 'yay katuaan,
Abaluan to "bangungot" labat ya naandid kaimbuasan
Manliplimatan mankukugip, pakalikna toy lanang.
Angkekelag ya gamet diad tamoro akapeket
Sangi-sangin singa sibong manaanap na underet;
Dilat-dilat kalamor, manpirawat ya makapangan
Soso'y inan katorse anyos, pakulat ni, anggapo'y iyan!
Entries
Photos
Contact
5 comments:
balibali yay singal mo agi. sabong ni ya tuwa, agto undelet. kaskasian met naalawat so bilay ton untatayakdang.salamat
Antoy talos na "pakulat"? ricky
amay bayawas ya anaw-awet no ketketen mo, napungsil so ngipen mo.
Another term for pakulat is "sabong", not yet mature.
siguro, amay "not yet mature" so gabay ton ibaga nen kankanti. anggapo niy ngipen to may ogaw, apungsil la!... ricky
Post a Comment