080809 maapit ya karinyo

MANONTON DALAN

manpultopultot iray palpalayupoy
ya amamayuen toy mais ya inugoy
kalasakas; diyad layag koy maknol
babansagan toy pusoka singa tambol
ta apakismatan koy ulpom ya marmol
tan asabit so anges kon tarok toy ilol

manim-imis kan sinegep moy abong
limmingaw kan say giling inpaunong
sala ya inar-aro unnaak nin manbaka
taneman koy paserser ta mamauran la
mantarya ka laot lad ugton marakep
amay lauya komon ya anlemelemek

saray gulis kugip ko’y baog mon makinis
manterter so linget ko balet wala may imis
ta walay ilalon sabian takan ambalbalingit
aliling toy busel diyad agew unkukulandit
untan pa komon ta say sibeg koy manando
mipupuligesgesan ya unaapit ed karinyo