112809 wadiyaak nin mangaaro

MANONTON DALAN

nantultuloy so liket ko inaro
egnak anlemlemek ya taklay mo
manpukpukal so pusok anap toka
labay toy miamaamayo ed letakan
ya sika'y katupag ya ang-anguban
agmo komon isiblet irayan bekta
ta say matuwan anap ko et sika

gala inaro unla tad tambib na angalakan
ta diman iliing koray agagew ya tinaynan
amay samit daray apalabas, agko lingwan
nen anggapo kadiya sinulsulok yan ayuyang
agko nabilang iray sibek tan luwan apaktak
wadiyaak nin mangaaro tan malikeliketak

no bilang ta walaanak niray kakulangan
pasensiya kala, sikan sikani amaspasiyaan
ya inkurong kon inbaliw ed agos na kairapan
natan wala lay imis kon mapasirayew inaro
lapur wadya kad abay ko; tambal kay ermen
untan pa komon manando; saksi tay tawen