MANONTON DALAN
malikeliketak lan nalilinggis taka
lalo la no walay imis mon milmila
natalusan kon anggapoy malaelaem
iran pankanawnawam ed sanngarem
ya mituyaw er siyak, andi bali la
masarag lay nengneng mo tan gana
diyar leleg na panalagar koy iyepay
bagyon beyewbeyew, marakel so oras
kon mumutekteken iray bektan lawas
samit daray ugalim agko nipulisay
ya mangidederew na magter a ligliwa
ya anggan kapigan agak balot unsawa
saray lakes mon malet ilalok ya unsabi
piyan nabiyer irayay ermen ya agpalabi
ya kukurkuren toy pagew kon mikakasi
itdan koy imano ta piyan walay linak
danganan kod labi, mangitarok na kugip
piyan diyad ibutay na balon agew akaimisak
Friday, November 13, 2009
Subscribe to:
Post Comments (Atom)
4 comments:
Antoy gabay ton ibaga may "lakes"?
lakap
agaylay suwerte na akolaw/nobya yo! :)
salamat ya balbaleg,say masuwerte
sikayon inar-arok ya managbasay
isususlat ko.
Post a Comment