021410 magayagan agew na puso

MANONTON DALAN

mapasirayew iran dosas ed kabuasan
kato'y pilalek na maaron matam
samyo ton makaliing liknay sibeg
pabiskegen toy bikking anggad pueg
walay getmak ya getelen para ed sika
balkoten koy pako, sibukan koy liga

natan benben koy pungoy rosas
walay tsokolate tan mansanas
andi lay balon piyan agka-untangay
ta agko labay so tenger mon nalemay
duga la tay imis mon walay mesmes
amay malmalet ya agak makaanges

balet nen say pagew moy akadapigas
agtaka palukpusen ta walay bimmekas
eyesaes ko komon balet sika'y akalikas
kinarot moak na melmelanting, mansasnit
inanguban taka'y alay samit,ilalok ya naaknit
iray kukum ya unkukutep ed baog kon manmegket


...uhmmm ... MAGAYAGAN AGEW NA PUSO INARO
lalo la ed saray pinabpabalin basakays tan
inararok ya kabaleyan ed manaoag.manaruan kayo,
say Diyos manuna lawas.md