Tuesday, March 16, 2010

031610 kuya, alagar kayo pa

MANONTON DALAN

apakisyapan koy mauyamon lupam
inpakaliknak na sibeg tan pukal
pinawilan kon inaplos na nengneng
asalkot so pusok liknay maimeng
diyad mikatlon pawil asabat taka
imis moy manmegket siyak akalinawa
nipasak so ugaw-ugaw ko manimis ka

naemel so mundok kimmawetwet ed sika
agak akasel, nauyusanak na puwersa
kinindatan moak pagew koy atukyap
mananap na malet tan maandon lakap
immasinggerak ta labay koy mi-uktap
benben mon liray inopresiyan moak
lukban kolor derosa, manlikliketak

masimpit mon bibil sisipeten toy liray
simmugat so pilalek, liknak benbey gabay
nen timmerter agi say anges koy ag-unsablay
singa ginuyor so limak inderew koy panyok
adapigas ko labat iray gamet mo, aay! pusok
akaluksod kapot, agak akapokpok inguyor taka
naggel koy balikas mo " kuya,alagar kayo pa"


...kumusta kilan kabaleyan ko. manandoy anos
kon itatagleey so salita tayon pangasinan. abalitaan
kon ibangat da lamet so salitan pangasinan ed
elementarya. siyopa kasi mansulat na libro da.
anto kasin balikas "c" o "k", "oa" o "wa".
manaruan kayo, say diyos manuna lawas.md

No comments: