032110 unuran komon

MANONTON DALAN

mandapoypoy so dagem ed uma
abayag lan ag aterteran ira
leletak nayarin akmunen toka
alaylay lay tanaman ya palya
aya'y tokotok so iilaluwan
ya isabi na uran ya malaem

say angalakan et naekatan la
anggapo lamay languyay baka
pati kangkong agaylay kuririt
gegetelen da met amo pati simit
natan iner lay amesan, pesakan
amay imbeneg danum agnasabsabaan

nakaukulan amoy dasal ya malet
isayandet iratay salin mararakep
kapara daray totoon daan, wala ni
kansiyonan piyan umterter so uran
manpaga ni ran kalaktip toy parasal
anggano puto, pansit tan pandesal


***
wadyaak lamet ya mangibaba ed sikayon
kabaleyan ko ra ta piyan nalikna yo met
so siplog na dagem.mabungabunga siguroy
sirguelas ed sapang natan.manaruan kayo,
say Diyos manuna lawas.md