maligan agew na puso bilay ko

MANONTON DALAN

walay malugon pokal ed pagew
ililiing toy iliw nen tiyagew
nen saray dosas et mabusbuskag
ya mansiyayap iray bangbangkag
anengneng takan amamayoy liket
imis moray alay samit manmegket

akilasonak met lad bektan gayaga
sanagew kaulop takan manteyengteyeng
ed pegley na mabalingit ya kadosasan
angetelak na sakeya alay santing
bagbagay ed imis mo tan kuliriritim
agko apukpukan so angub kon mapilit
kinarot moak na magingintil ya ansakit
balet intepel ko ta nain-inut ya naaknit

mapekepeket ka lapud saman agko lingwan
agni akabutay agew wadtan kan manalagar
anggapoy saew sikatan duwa so mana-akar
on; anggad asabin limmakad biyek na taew
maruksa ka say pusok so nilam ya tinakew
pasalamatak ta agmoak met inkaindan lawas
anggan mabayag so panalagar kon unluwas
talagan tumbuken takad tan ya andi oras

natan pinabli agew lamet na maaron puso
naawat ko lara may pawit mo katekep aro
agko naim-imanon kaplasen koy bibil ko
ya inonot kod sika nen wadyakan katupag
antoy nagawak mananosak ta sikay pilalek
tan sasambaen toyan pusok ya malenleneg

***
magayagan agew na puso ed sikayon amin.
say arok ed para sikayon amin.md